Galdetu · Erantzun · Ikasi

Seguru ontzi-garbigailuen saltzaileek eta fabrikatzaileek garbigailu hauek gutxiago kontsumitzen dutela esango dutela.

Orokorrean, uste dut hala dela baina ontzi-garbigailu nola erabiltzen den arabera izango da. Gainera garbigailu batzuk besteak baino ekologikoagoak dira.

Ontzi-garbigailua erabiltzen dugunok, argi dago ez dugula garbigailua bazkari bakoitzaren ondoren pizten, beraz platera eta katxarroak ur pixka batekin garbitu ohi ditugu garbigailura sartu aurretik.

Beraz... ez dakit nik. Seguraski, garbigailua nola erabiltzen dugun arabera izango da.

Eskerrik asko erantzunagati... nirea zen goiko galdera.

Uste dut, harrikoa era tradizionalean egiten jarraituko dudala, eta Olentzerori beste zerbait eskatuko diodala. jajaja

Energia aurrezteko ikerketa askok azaltzen duten moduan, ontzi garbigailuarekin ur gutxiago erabiltzen da. Baina noski, sukaldean horrelako aparagailu bat sartzeko lekua izan behar duzu eta baita ordaintzeko ere. Aparagailu honek behar erabiltzen duen elektrizitatea ere kontutan izan behar da.

Beraz, ikuspegi ekologikotik eskuz garbitzea ez da aukerarik onena izango, baina egungo bizimodua ikusita ontzi garbigailua edukitzea nahiko luxua da.

Bestalde, aski ezaguna da ere harrikoa eskuz egitekotan ur gutxiago erabiltzen dela ur aska bete eta platerrak eta abarrak bertan garbitzen baditugu. Iturria irekita garbitzen baditugu gauzak, ur nahiko gehiago erabiltzen dugu.

Eta askenik dutxa eta bainuaren arteko borroka: bainu bat hartzeko bainuontzia urez betetzen badugu dutxa eder bat hartuz baino askoz ur gehiago erabiliko dugu.

Nire gomendioa, diru aina badaukazue ontzi garbigailua erabiltzea eta ez badaukazue, harrikoa ur aska beteta egitea. Bainuei buruz, hobeto itxasoan, errekan edo herriko igerilekuan, eta etxean dutxa goxo bat eta listo.